Sian ahura au coumençamen de la sesoun d'estieu. Li plaia de Nissa... Cenque li si vé ? Despende de la manièra qu'anas vi metre lu belicre. Se apountelas ben li branca sus li vouostri aurilha e qu'ouservas au travès dei veire tinch, doui fila sensa coupura, una imoubila, l'autra qu'avança plan plan, si dessinon. La proumiera, soubre la grava, de touti li coulour doun doumina aquela dei carn que van dau coulour dóu pet au cremesin, es fourmada de cors uman coustrech de s'esquissà un contra l'autre. Laissas la grava e arribas à l'aiga : noun arriba plus à beluguejà souta lou soulèu, qu'es touta cuberta de testa umani que floutejon, de bouà en fouma d'animau e de fa-disant batèu que demandon qu'à si proufoundà.

La segounda fila sus lou quitran negre que si vé plus mancou, es una tiragna bessouna de vouotura cercant un luèc rarissime per si parquejà, o qu'ousservon, despacienti, un paisage que defila tròu plan.

Alassat d'aqueu espetacle, levas-vi lu belicre, metès-li à l'envès, apountelas ben fouort lu veire sus lu vouostre uès que dau còu si fermon. Aloura, li doui branca, antena banarudi e magiqui, vi van fa veire en lou passat.

Li fila de vouotura soun despareissudi. La foga, vestida de malhò enfouloupant, es pu clara, laissant entre lu group d'espaci doun couron enfant e can. Li plaia de la Toure Rouja e de la Paiola si soun alargadi. La deneda d'aquelu que soun pas tròu segur es soustenguda da de grossi chambra à aria de pneu. D'enfant malicious e un chicou embrouioun soun escassat dau radèu privat per lu crit de la prouprietara e per la venguda, à la deneda, d'un emplegat arabou que s'estrassina en va-e-ven. E quoura lou sera cala, lu pan bagnat e li pissaladiera gisclon dai cavagnòu, soun engoulat assetat, soun engoulat drech.

Soulajat per quauqui làgrima de noustalgia lu vouostre uès, un pau tròu coumprimat, v'invidon pura à vi levà lu belicre. Aloura, sus lou còu, rentras au vouostre. Bessai,està nuèch, vi pantaierès de la balena de Carras. Ma noun siguès desesperat. V'en tournerès en setembre.  

Raoul NATHIEZ, Directeur de la Rédaction  

Plages d’aujourd’hui et d’hier  

Nous voici au début de la saison d'été... Les plages de Nice... qu'y voit-on ? Tout dépend de la manière dont vous allez chausser vos lunettes. Si vous placez confortablement les branches sur vos oreilles et que vous observez au travers de vos verres teintés, deux files ininterrompues, l'une fixe, l'autre mobile et lente, se dessinent. La première, à même les galets, multicolore où domine la couleur chair allant du pâle au cramoisi, est formée de corps contraints de se serrer les uns contre les autres. Dépassez les galets, atteignez l'eau : elle ne parvient pas à scintiller sous le soleil, car couverte de têtes humaines qui flottent, de bouées à formes animales et de pseudo-bateaux menaçant de couler.

La deuxième file, sur la chaussée noire à peine distinguable, est une double théorie de voitures chercheuses d'une improbable place où se garer, ou observatrices impatientes d'un paysage qui défile trop lentement.

Las de ce spectacle, ôtez vos lunettes, retournez-les, appuyez fortement les verres sur vos yeux qui, sous la pression, se ferment. Alors, les deux branches, antennes cornues et magiques, vont vous permettre de regarder dans le passé.

Les files de voitures ont disparu. La foule, vêtue de maillots enveloppants, est moins dense, laissant entre les groupes des espaces où courent les enfants et les chiens. Les plages de la Tour Rouge et de la Paiole se sont élargies. La natation des moins expérimentés est soutenue par de grosses chambres à air de pneus. Des enfants espiègles et un peu tricheurs sont chassés du radeau privé par les cris de la propriétaire et l'arrivée, à la nage, d'un employé arabe qui s'épuise en allers et retours. Et quand le soir tombe, les pans bagnats et les pissaladières jaillissent des paniers, sont dévorés assis, sont dévorés debout.

Soulagés par quelques larmes de nostalgie, vos yeux un peu trop comprimés vous invitent cependant à ôter les lunettes. Alors, aussitôt, rentrez chez vous. Peut-être, cette nuit, rêverez-vous de la baleine de Carras (1). Mais ne désespérez pas. Vous reviendrez en septembre. (2)

(1) lire l'article de Jacques Dalmasso.
(2) allusion à la chanson de Gilbert Becaud.